Bec'h de'i ! 50 vloaz Ar Vro Bagan (14-10)

• 02:15:37
• 09/04/2017
• Ar bed o treiñ

Kalz a gomedian·ezed hag a deknikourien·ezed deus ar strollad brudet deus Plougerne a oa asambles gant Lionel Buannic evit lidañ 50 vloaz Ar Vro Bagan. Kaoz zo bet deus istor ar strollad – berr-ha-berr, div eurvezh n'eo ket trawalc'h evit kontañ kement a zarvoud zo bet a-hed an amzer, met founnus memestra !
Ur strollad gwriziennet don er vro bagan, ha digor war ar bed war ar memes tro, gant pezhioù-c'hoari krouet espres-kaer pe deut deut teñzor c'hoariva ar bed. Ur strollad lusket gant ur c'houblad deut da vezañ mojennel, Goulc'han Kervella ha Nicole ar Vourc'h (nann 'vat, n'eo ket mont re bell ganti lâret se ! :p), komperien leun a fent hag a deneridigezh evit ar gomedian·ezed, a youl vat pe a-vicher, a zeu da dremen ur pennadig-amzer, hir-pe-hiroc'h, 'sambles gante war al leurennoù… C'hoant gante holl da rannañ, etreze pe gant an holl re a zeu da gaout anezhe, o flijadur o c'hoari, o vezañ asambles, hag o vont e brezhoneg evit lod.
Kig-ha-fars zo c'hoariet war-eeun gant Andre Ollivier, Goulc'han Kervella ha Nicole ar Vourc'h ; un tamm deus Ar Baganiz, pezh neveshañ Ar Vro Bagan, zo diskouezet war-eeun ; hag echu pep tra gant ur rount pagan, 'vel zo dleet !
'Giz kustum e oa deut Sten Charbonneau ivez da c'hoari gerioù war al leurenn, hag ur bern levrioù a vouetao o devezhioù hañv zo bet kinniget gant Christian Le Meut…
Emgav 'peus gant Ar Vro Bagan hag ar pezh-c'hoari Ar Baganiz 'ba Kerlouan d'an 23 (e brezhoneg) ha d'ar 24, 25 [&] 26 a viz Gouere, war aodoù kaer ar vro, 'giz kustum !
{{image::tl_files/doc-newsletter/Elfennou/arbaganiz.jpg?width=200[&]height=300[&]rel=}} {{image::tl_files/doc-newsletter/Elfennou/paganiz.jpg?width=350[&]height=250[&]rel=}}