Be Zen - Flapakarr n°9

• 00:03:54
• Rann s1e9

Degemer a ra YB ur plac’h yaouank koant, plijus-tre ha siferniet ken-ha-ken. Tapet he deus anoued a-gaoz d’ur splujadenn da hanternoz an noz kent. Fresk ha hoalus eo he mod da gontañ he flijadur o neuial er mor. Boemet eo YB o selaou anezhi. Goulenn a ra ha moaien zo dezhi en em lakaat en he bleud ha lemel a ra he botoù. Un tammig c’hwezh drol en em sil betek divfronn YB.

Flapakarr zo un arload kenweturiñ nevez en he mod da vont en-dro rak implijout a ra ar brezhoneg. Kavet he deus buan implijerien e-leizh. Beajourien daonet eo ar Vretoned, hag ar vrezhonegerien ivez ! Kalz a hent a vez foetet gant Yan-Baol. Fellout a ra dezhañ e vefe graet « YB » (YeBe) anezhañ. Un embregerezh vihan zo bet savet gantañ evit sevel produioù kened gant bezhin. Nevez zo en deus kinniget e servijoù war arload Flapakarr. Kontant eo Yann-Baol (YB) d’en em gavout gant tud nevez a-drugarez d'an arload kenweturiñ "Flapakarr".