Pig pe vran ? 13 – Ronan Koadig

• 00:03:58
• 08/11/2016

Pell zo dija he devoa lâret Anjela Duval dezhañ (e galleg kar d'ar c'houlz-se ne oa ket Ronan Koadig ur mailh war yezh ar vro c’hoazh) : "Ronan, soyez un militant !"
N'en deus ket disoñjet menajerez Traoñ an Dour nag he c'homzoù fur gwech ebet. Desket en doa brezhoneg hag aet eo, un toullad bloavezhioù zo bremañ, war ar vicher kelenner e skol-veur Roazhon 2 hag enklasker e CRBC (Centre de Rechreche Bretonne et Celtique). War ar sokiologiezh, ar yezhoù hag idantelezhioù an dud hag ar pobloù e vez Ronan o labourat hag o skrivañ ingal.
Bet eo rener Ti Embann ar Skolioù (TES) e-pad meur a vloaz ivez, ha derc'hel a ra da skrivañ ha da embann levrioù diwar e zorn. L’Identité bretonne (PUR, 1998) eo an ’ni brudetañ moarvat, e-mesk un toullad reoù all. Prezidant kevredigezh "Mignoned Anjela" eo c'hoazh.